C# Backend Proqramlaşdırma

C# Backend Proqramlaşdırma proqramı tələbələri sıfırdan başlayaraq peşəkar backend developer səviyyəsinə qədər hazırlamağı hədəfləyir. Tədris proqramı C# proqramlaşdırma dilinin fundamental anlayışlarından başlayaraq obyekt yönlü proqramlaşdırma (OOP), verilənlər bazaları, SQL, ASP.NET Core Web API, Entity Framework Core və müasir backend arxitekturalarını əhatə edir. Kurs müddətində tələbələr REST API-lər hazırlamağı, verilənlər bazası ilə effektiv işləməyi, təhlükəsiz və performanslı server tərəfli tətbiqlər qurmağı öyrənirlər. Dərslər nəzəri biliklərlə yanaşı real layihələr üzərində praktiki məşğələlər formasında keçirilir. Tələbələr CRUD əməliyyatları olan Web API-lər, autentifikasiya və avtorizasiya sistemləri, JWT əsaslı təhlükəsizlik mexanizmləri, MVC əsaslı veb tətbiqlər və real biznes lojiqasına uyğun backend sistemləri hazırlayırlar. Kursun sonunda iştirakçılar ASP.NET Core ilə tam funksional backend layihəsi hazırlayıb GitHub üzərindən paylaşa, real layihə təcrübəsi ilə portfolio formalaşdıra və C# backend developer kimi iş həyatına hazır vəziyyətə gələrlər. Bu proqram backend proqramlaşdırma sahəsində uzunmüddətli və stabil karyera qurmaq istəyənlər üçün güclü texniki baza yaradır.